أول تعليق من خطيبة مسلم بعد فسخ خطبتهما

علقت يارا تامر على انفصالها من مغني المهرجانات مسلم للمرة الثالثة.

وكتبت خطيبة مسلم ستوري، عبر حسابها الشخصي بـ موقع تبادل الصور والفيديوهات القصيرة انستجرام، قالت فيها: عايزة أقول حاجة صغيرة ممكن تكون مش مهمة لبعض الناس لكن لازم أعلن دا، تم فسخ خطوبتي من مسلم للمرة الأخيرة، إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكلنا صعبة وتفكيرنا بعيد عن بعض مهما حاولنا'.

ومن ناحيته أعلن المغني مسلم انفصاله عن خطيبته يارا تامر مجددا.

وكتب مسلم عبر خاصية القصص القصيرة في حسابه على انستجرام: 'محتاج أقول حاجة يمكن مش هتكون مهمة قوي للناس دلوقتي لأن حاسس أن الناس زهقت من الموضوع ده، بس حبيت أوضح علشان رضيت ضميري قدام ربنا'.

وتابع مسلم: 'تم فسخ خطوبتي من يارا تامر وأتمنى لها حياة جميلة ونجاح واستمرار لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت'.

وأكمل مسلم: 'الحمد لله بحمد ربنا أنه بين لي كل حاجة تخليني أبقى في حالي، وأسف لنفسي مرة تانية والمرة دي بجد اتعلمت الدرس شكرا المرة دي اتقفل الموضوع نهائي'.